Per far or "da cuminonza" ina historia da success havessen nus duvrau in otgavel di dall'jamna - ils siat dis dall'jamna che nus havein, ein gie tuts gia occupai tier circa tuts ... Perquei essan nus sedecidi da fixar nossas sentupadas mintgamai sin ils treis dil meins.

Per l’ina ei quei sempel e bien da tener endamen ed ins sa planisar a liunga vesta! Per l’autra han biars gia program ina ni pliras seras fixas dall’jamna. Sche era „da cuminonza“ vegn fatg in di fix dall’jamna, han pia tontas e tontas persunas buca la pusseivladad da separticipar. Cun fixar „ils treis dil meins“ variescha il di dall’jamna adina puspei el decuors dad in onn. Quei possibilitescha era a persunas, ch’ein gia fetg occupadas differentas seras, da vegnir silmeins inaga ni l’autra a „da cuminonza“.

E forsa di in ni l’auter mintgaton:
„Lu la proxima gada lein schar curdar nies jass, nossa gimnastica ni noss’emprova da cant e lein ir ensemen a da cuminonza – la sera dils treis!“